ဘွန်ဇိုင်းနည်းပညာ ၂

ဘွန်ဇိုင်းနည်းပညာ ၁

ဘွန်ဇိုင်းနည်းပညာ

ဗူးစိုက်ပျိုးနည်း

ယ်​------------

အအေးခံရည် အပူချိန် ကိုထောက်လှမ်း ပေးသော ဆင်ဆာ

 

အအေးခံရည် အပူချိန် ကိုထောက်လှမ်း ပေးသော ဆင်ဆာ
♓♓♓♓♓

ကွန်ပျူတာ ထိန်းချုပ်မှုနဲ့ လည်ပတ် အလုပ်လုပ်တဲ့ ခေတ်ပေါ်ကား အင်ဂျင်များ အတွင်းပိုင်း အပူချိန် အခြေအနေ ဘယ်လောက် ရှိနေသလဲ ဆိုတာကို စောင့်ကြည့်ထောက်လှမ်း ပေးနေတဲ့ အာရုံခံကိရိယာကို ECT ဆင်ဆာလို့ ခေါ်ပါတယ်။ Engine Coolant Temperature ကို ECT လို့ အတိုကောက် သတ်မှတ်ပါတယ်

။

 အင်ဂျင်အအေးခံစနစ်မှာ လည်ပတ် နေတဲ့ အအေးခံရည်ရဲ့ အပူချိန် ဘယ်လောက် ရှိနေသလဲ ဆိုတာကို ကွန်ပျူ တာခေါ်  PCM (Powertrain Control Module) ကသိရှိနေဖို့ အရေးကြီးပါ တယ်။ ခေတ်ပေါ် ဓာတ်ဆီအင်ဂျင် တစ်လုံးရဲ့ လည်ပတ်လှုပ်ရှားမှု အားလုံးကို PCM ကွန်ပျူတာကပဲ ထိန်းချုပ် ပါတယ်။

 အင်ဂျင်ဘလောက် ထဲမှာ အတွင်းပိုင်း အပူတွေကို စုပ်ယူနိုင်ဖို့ ရေလိုင်းတွေရှိပါတယ်။ အင်ဂျင်ဟတ် (Head) နဲ့ ဆလင်ဒါစလစ် ပတ်လည် မှာ အင်ဂျင်မီးလောင် ပေါက်ကွဲရာက နေ ထွက်လာတဲ့အပူတွေကို Coolant အအေးခံရည်က စုပ်ယူပြီး သယ်ဆောင်သွား ပါတယ်။ ရေတိုင်ကီထဲ ရောက်မှ ပြင်ပ လေအေးတွေနဲ့ ထိတွေ့ ပြီး Coolant အအေးခံရည်ထဲမှာ အောင်းနေတဲ့ အပူတွေကို စွန့်ထုတ် ပေးပါတယ်။ Coolant အအေးခံရည် တွေ အေးနေသလား၊ ပူနေသလား၊ ပုံမှန်လည်ပတ်နေတဲ့ အပူချိန်မှာပဲ ရှိသလား၊ အပူလွန်ကဲပြီး ရေဆူနေ သလား စတဲ့ အပူချိန်အခြေအနေတွေ ကို အာရုံခံပြီး ကွန်ပျူတာကို သတင်း ပို့ပေးနေတာ ECT Sensor ဖြစ်ပါ တယ်။

  ECT ဆင်ဆာကရတဲ့ အပူချိန် data တွေဟာ ကွန်ပျူတာ PCM အတွက် အလွန် အရေးကြီးပါတယ်။ အင်ဂျင် Management System တစ်ခုလုံးရဲ့ မဟာဗျူဟာကျတဲ့ ထိန်း ချုပ်မှုတွေမှာ တခြားအာရုံခံဆင်ဆာ တွေထက်ပိုပြီး  အရေးပါနေတာ ကြောင့်  ECT Sensor ကို Master Sensor လို့တောင် ခေါ်ကြပါတယ်။

    ECT (Engine Coolant Temperature) ဆင်ဆာက အင်ဂျင်အအေးခံရည် ရဲ့ အပူချိန် အခြေအနေကို မှန်ကန် တိကျစွာအာရုံခံပြီး ကွန်ပျူတာ PCM ကို သတင်းပို့နိုင်မှသာ အင်ဂျင်လည်ပတ်မှု မှန်ကန်ပြီး အင်ဂျင် စွမ်းဆောင်ရည် အမြင့်ဆုံးရရှိနိုင်ပါတယ်။

 အင်ဂျင်စက်  စပြီးလည်တဲ့ အချိန်မှာ အင်ဂျင် အေးနေပါတယ်။ အင်ဂျင်အေးနေတဲ့အချိန်နဲ့ အင်ဂျင် ပူနွေးလာပြီး ပုံမှန် Operating အပူချိန်ကို ရောက်တဲ့ အချိန်မှာ အင်ဂျင် လည်ပတ်မှု အခြေအနေတွေ မတူညီ နိုင်ပါဘူး။ အင်ဂျင်အေးနေတဲ့ အခြေ အနေမှာ လောင်စာဆီ ရောစပ်တဲ့အချိုး က Rich Fuel Mixture ဖြစ်ဖို့ လိုပါတယ်။ 

ဒါမှအင်ဂျင် Idle Speed မှန် မယ်။
အင်ဂျင်တုန်ခါမှု ဖြစ်တာကို တားဆီးနိုင်မယ်။
အင်ဂျင်လည်း မြန် မြန်ပူလာမယ်။

အင်ဂျင်တဖြည်းဖြည်း ပူလာပြီး ပုံမှန်လည်ပတ် နိုင်တဲ့ အပူချိန်တစ်ခု ရောက်သွားရင်လည်း အင်ဂျင်ပူနေပြီ ဖြစ်ကြောင်း ကွန်ပျူတာ PCM ကသိဖို့ လိုပါတယ်။ ဒါမှလည်း လောင်စာဆီ ရောစပ်မှုအချိုးကို ပြန်ပြီး ချပေးမယ်။ တကယ်လို့ ECT Sensor က မှားယွင်းနေပြီး အပူချိန်အာရုံခံတာ ကို မှန်ကန်အောင် သတင်း မပို့နိုင်ခဲ့ရင် PCM ကွန်ပျူတာက အင်ဂျင် အေးနေ သေးတယ်လို့ပဲ မှတ်ယူပြီး ဆီရောစပ်မှု အချိုးက များနေမယ်။
ဆီစားများ မယ်။ 

အီမစ်ရှင်းတွေ များများထွက်ပြီး လေထု ညစ်ညမ်းစေမယ့် အိတ်ဇော ဓာတ်ငွေ့တွေ ထွက်မယ်။ ပိုဆိုးတာက ရေတိုင်ကီ အအေးခံတဲ့ ပန်ကာ လည်သင့်တဲ့ အချိန်မှာ မလည်သေးဘဲ နောက်ကျပြီး လည်တာကြောင့် အင်ဂျင်အပူချိန်  မြင့်တက်လွန်းတာ များပြီး ရေဆူနိုင်တယ်။

❄  အင်ဂျင်အအေးခံစနစ်မှာ ရေတိုင်ကီကို အအေးခံတဲ့ပန်ကာက လျှပ်စစ်ပန်ကာ ဖြစ်ပါတယ်။ ဒီပန်ကာက အမြဲတမ်း ပုံသေ မလည်ပါဘူး။ လိုအပ် မှလည်ပါတယ်။ မလိုသေးရင်နားထား ပါတယ်။ ရပ်လိုက်၊ လည်လိုက်၊ ပြန် နားလိုက်၊ ပြန်လည်လိုက် ပုံစံမျိုးဖြစ်ပါ တယ်။ အင်ဂျင် စပြီး လည်တဲ့ အချိန်မှာ အေးနေပါသေးတယ်။ ပူနွေးလာပြီး ပုံမှန်လည်ပတ်တဲ့ Operating အပူ ချိန်ရောက်မှ ပန်ကာကို လည်စေပါ တယ်။

  ရေတိုင်ကီထဲမှာ အအေးခံရည် မပူမချင်း ပန်ကာ မလည်သေးပါဘူး။ ပူလာမှပန်ကာကို လည်စေပါတယ်။ ရေတိုင်ကီအေးသွားရင် ပန်ကာပြန် ရပ်သွားပါတယ်။ ဒီလိုမျိုး လျှပ်စစ် ပန်ကာကို ကစားနိုင်အောင် ထိန်းချုပ် ပေးနေတာက PCM ကွန်ပျူတာ ပါ။ PCM ကလည်း ECT ဆင်ဆာက သတင်းပို့တဲ့ Data ကိုအခြေခံပါ တယ်။ ဒါကြောင့် အင်ဂျင် အအေးခံ စနစ် ပုံမှန်လည်ပတ်နေနိုင်ဖို့ ECT ဆင်ဆာက အရေးကြီးတဲ့ နေရာမှာရှိ နေ ပါတယ်။ ဒီဆင်ဆာ ကောင်းကောင်း အလုပ် မလုပ်တာနဲ့ ပန်ကာ လေဆွဲအား လုပ်ဆောင်ချက်တွေ မမှန် ကန်နိုင်တော့ဘဲ အင်ဂျင်အပူချိန် မြင့် တက်လာနိုင်ပါတယ်။

 အင်ဂျင် Overheat ဖြစ်ရင် တော့ အင်ဂျင်ရဲ့ လုပ်ဆောင်ချက်တွေ မမှန်တော့ပါဘူး။ အင်ဂျင်အပူလွန်ကဲ မှုဖြစ်ပြီး အင်ဂျင် ပျက်စီး သွားစေနိုင်ပါ တယ်။ အရမ်းပူလာရင် အင်ဂျင်ကျပ် ပြီး ထိုးရပ်သွားမယ်။ 

ဂတ်စ်ကတ်ပြတ် ထွက်မယ်။
အင်ဂျင်ဟတ် လန့်ပြီး ကွဲ တတ်တယ်။
အင်ဂျင် အပူလွန်ကဲရာကနေ နောက်ဆုံး မီးထပြီး လောင်သွား နိုင်တယ်။

 ဒါကြောင့်  တချို့ကားတွေမှာ Cooling Fan အတွက်သီးခြား Coolant Sensor ကို တပ်ဆင် ထားတယ်။ လျှပ်စစ်ပန်ကာ အဖွင့် / အပိတ် ပုံမှန် လုပ်နိုင်ဖို့ သီးသန့် Sensor နဲ့ သီးသန့်  Fan Circuit ထားပေးတယ်။ Coolant Sensor ဆိုတာ ကွန်ပျူတာထိန်းချုပ်မှု နဲ့ လည်ပတ်နေတဲ့ အင်ဂျင်တွေအတွက် အရေးကြီးတယ်။  Fuel Injector က ရောစပ်ပေးတဲ့  လောင်စာဆီ အချိုး အစား၊ မီးတိုင်မင် (Firing Timing) မီးပေးစောတာ၊ နောက်ကျတာ၊ အင်ဂျင် Slow လည်ပတ်မှု မှန်ကန်ပြီး တည် ငြိမ်နေဖို့ Emission ထုတ်လွှတ်မှု အနည်းဆုံးဖြစ်ဖို့ ဆီစားသက်သာပြီး အင်ဂျင်စွမ်းဆောင်ရည် အကောင်းဆုံး ဖြစ်ဖို့  အဓိကကျတဲ့ ဆင်ဆာကတော့ ECT Sensor ပဲဖြစ်ပါတယ်။

  အပူချိန်တိုင်းတာပေးတဲ့ အာရုံခံ ဆင်ဆာ အများစုက Thermistors အမျိုးအစား ဖြစ်ပါတယ်။ ဒီအမျိုးအစားက အပူချိန်ကို လိုက်ပြီး လျှပ်စစ် ခုခံအား (Resistance) ပြောင်းလဲ တတ်တယ်။  Negative Temperature Coefficient (NTC) အမျိုးအစား Sensor တွေရဲ့ လုပ်ဆောင်ချက်က အပူချိန်  မြင့်တက်လာရင် ခုခံအား (Resistance)  ပမာဏ လျော့ကျသွား တယ်။ အင်ဂျင်အေးနေတဲ့ အချိန်မှာ  NTC Sensor   များရဲ့ သဘာဝက လျှပ်စစ် ခုခံမှု အများဆုံး ဖြစ်တယ်။ အင်ဂျင်စက်နှိုးပြီး တဖြည်းဖြည်း ပူလာ တာနဲ့ ခုခံအားတွေလည်း လျော့ကျ လာတယ်။

❄ Coolant Sensor ကို PCM ကွန်ပျူတာက လာတဲ့  ၀ါယာနှစ်စနဲ့ ဆက်သွယ်ထားတယ်။ ဗို့အားပမာဏ 5 Volts ရှိတယ်။ အပူချိန်ပြောင်းလဲ သလို ခုခံအား လိုက်ပါ ပြောင်းလဲပေး နိုင်တဲ့  NTC Sensor   အမျိုးအစားက ကွန်ပျူတာ PCM ကိုပြန်သွားတဲ့ ၀ါယာမှာ ဗို့အားပမာဏ အမျိုးမျိုးကို ပြောင်းလဲ ဖြစ်ပေါ်စေတယ်။ အင်ဂျင် အပူချိန်တက်လာရင် အအေးခံရည် ပူလာတာကြောင့်  NTC ဆင်ဆာရဲ့ ခုခံအားတွေ ကျဆင်းသွားမယ်။ PCM ကို  Return ပြန်လာတဲ့ ၀ါယာစမှာ ဗို့အားတွေ  မြင့်တက်လာမယ်။ အေး သွားရင်  ဗို့အား ပြန်ကျ သွားမယ်။ NTC ဆင်ဆာက အပူချိန် ပြောင်းလဲ မှုကို ခုခံအား ပြောင်းလဲစေခြင်းနဲ့ တုံ့ ပြန်တယ်။  ဒီလိုမျိုး NTC ဆင်ဆာ ကနေ Return ပြန်လာတဲ့ ဗို့အား အနည်းအများပေါ် မူတည်ပြီး အင်ဂျင် အပူချိန် ပြောင်းလဲမှု အခြေအနေကို နှိုင်းယှဉ်မှတ်သားခြင်း ဖြစ်ပါတယ်။

 ECT ဆင်ဆာက ထောက်လှမ်း သတင်းပို့တဲ့  ဗို့အား အတက်အကျ Signal ကို PCM က လက်ခံပြီး အင်ဂျင်လည်ပတ်မှုကို အကောင်းဆုံး ဖြစ်စေဖို့ တွက်ချက် ညွှန်ကြားပါတယ်။ PCM ကွန်ပျူတာရဲ့ ညွှန်ကြား ထိန်းကျောင်းမှုတွေဟာ ECT  ဆင်ဆာရဲ့ သတင်းပေးပို့မှု  Data တွေ အပေါ်မှာ အဓိကကျပါတယ်။ ယာဉ်မောင်းသူ က အင်ဂျင်ရဲ့ အပူချိန်အခြေအနေကို ဒတ်ခ်ျဘုတ်မှာ ဖော်ပြထားတဲ့  Temperature Gauge  မှာ ကြည့်နိုင်ပါ တယ်။

 ECT Sensor ယူနစ်ကို တချို့ ကားတွေမှာ အင်ဂျင်  Head ထဲမှာ တစ်လုံး၊ ရေတိုင်ကီမှာ တစ်လုံး တပ်ဆင်လေ့ရှိပါတယ်။ ကွန်ပျူတာ ထိန်း ချုပ်တဲ့ခေတ်ပေါ်  EFI အင်ဂျင်တွေ မှာ ECT Sensor က အဓိကကျတဲ့ အာရုံခံဆင်ဆာ ဖြစ်နေတာကြောင့် Coolant Sensor မူမမှန်ရင်၊ ပျက်စီး ချွတ်ယွင်းလာရင် အင်ဂျင်လည်ပတ်မှု အင်ဂျင် လုပ်ဆောင်ချက်တွေ မမှန် တော့ဘဲ ဆုံးရှုံးမှုတွေ များလာပါ တယ်။ ဆင်ဆာ မကောင်းတဲ့ ရှေ့ပြေး လက္ခဏာတွေကတော့

>> အင်ဂျင်ဆီစားများလာမယ်။

>> Emission ထုတ်လွှတ်တာ များပြီး Emission Test စမ်းသပ် ကြည့်ပါက ကျရှုံးတာတွေ့ရပါလိမ့် မယ်။

>> Cooling Fan လည်ပတ်မှု မမှန်တာကြောင့်  အင်ဂျင် Overheat  ဖြစ်မယ်။ ရေတိုင်ကီ ရေဆူမယ်။

  Coolant Sensor တွေမှာ အများဆုံး ဖြစ်တတ်တဲ့ ပြဿနာတွေ ကတော့ ၀ါယာရိန်း အမှားဖြစ်တာ၊ ၀ါယာ ချွတ်ယွင်းတာပါပဲ။  ၀ါယာ လွတ်နေတာမျိုး၊ Connector အဆက် တွေ ချေးတက်ပြီး တဖြည်းဖြည်းယို ယွင်း ပျက်စီးတာမျိုး  ဖြစ်တတ်ပါ တယ်။

 Coolant Sensor ကို OBD II Scan Tool ထိုးပြီး 

အပြစ်ရှာကြည့် ရင် တွေ့ရမယ့် Codes နံပါတ်တွေ ကတော့

• P 0115
• P 0116
• P 0117
• P 0118
• P 0119

 Coolant Sensor ကိုဗို့အား တိုင်းပြီး စစ်ဆေး ကြည့်နိုင်ပါသေး တယ်။ ဗို့အားတိုင်း ဒီဂျစ်တယ်မီတာ တစ်လုံးတော့လိုပါတယ်။ အင်ဂျင် အေးနေတဲ့အချိန်မှာ ဗို့မီတာနဲ့ တိုင်း ကြည့်ရင် 3 Volt လောက်ပဲပြမယ်။ ကားစက်လည်ပြီး အင်ဂျင်တဖြည်း ဖြည်း ပူလာပါက ဗို့အားကျဆင်းလာ ပြီး 1.2 V ကနေ 0.3 V အထိ ငါးမိနစ် အတွင်း ပြလျှင် အင်ဂျင်ရဲ့အပူချိန် ဟာ ပုံမှန် စက်လည်ပတ်နေတဲ့ အပူချိန်ပြခြင်း ဖြစ်ပါတယ်။ 

တကယ်လို့ 5 Volt နီးပါးဆိုရင်တော့ Coolant Sensor ဟာ Open ဖြစ်နေတယ်။ ဒါမှမဟုတ် Earth လွတ်နေတယ် ဆို တဲ့ သဘော သက်ရောက်ပါတယ်။ 

တကယ်လို့ ဗို့အားက လုံးဝမပြဘူး ဆို ရင်တော့ ဆင်ဆာထဲမှာ Short ဆား ကစ် ဖြစ်နေပါပြီ။ ဆင်ဆာမမှန်ရင် အသစ်တစ်လုံး အစားထိုး လဲပေးဖို့ လိုပါတယ်။

Coolant ဆင်ဆာလဲ ပြီးလျှင် အင်ဂျင်အအေးခံစနစ်မှာ အအေးခံရည် ထပ်ဖြည့်ပေးဖို့ လိုပါ တယ်။ သုံးနှစ်၊ လေးနှစ် လောက် ကြာအောင် သုံးထားတဲ့ Coolant ဆို ရင်လည်း အသစ်လဲပေးဖို့ လိုပါတယ်။

 ခေတ်ဟောင်းကားအင်ဂျင်မှာ Coolant Sensor ဟာ အရေးမကြီး ပေမယ့် ခေတ်ပေါ် ကွန်ပျူတာစနစ် ထိန်းအင်ဂျင် တွေမှာတော့ Coolant Sensor က တခြား ဆင်ဆာတွေထက် ပိုပြီး အဓိကကျပြီး အရေးကြီးပါ တယ်။

  ဆင်ဆာ မကောင်းရင် အင်ဂျင် လည်ပတ်မှု လုပ်ဆောင်ချက်တွေ မမှန်တော့ဘူး။
> ဆီစားများနေမယ်။
> အင်ဂျင်အပူချိန်မြင့်တက်မယ်။
> အင်ဂျင်  Slow မှာ တုန်ခါနေမယ်။
> အီမစ်ရှင်းထုတ်လွှတ်မှုတွေများလာ မယ်။
> ရေတိုင်ကီရေဆူမယ်။
> Electrical Fan လည်ပတ်တာ နောက် ကျမယ်။
ဆင်ဆာကောင်းမှ အင်ဂျင် Performance ကောင်းပြီး ဆီစား သက်သာမယ်။ အင်ဂျင်စွမ်းရည် Efficiency ပိုကောင်း လာမယ်။ 



Cd from ကားချစ်သူ
Credit》》awjmyanmar

မာလကာသီးပင်တွင် ကျရောက်တတ်သော ရောဂါများနှင့် ကာကွယ်နှိမ်နင်းနည်း

• ပိုးမွှားရောဂါ

၁။ မှည့်ပြောက်စွန်းရောဂါ (Anthracnose: Colletotrichum gloeosporioids)

 

ရောဂါလက္ခဏာများ

- ရောဂါလက္ခဏာကို မာလကာပင်ပေါ်ရှိ အရွယ်ရောက် အသီးများပေါ်တွင် တွေ့ရသည်။

- အနက်ရောင်ချိုင့်ခွက် လက္ခဏာများတွေ့ရသည်။ စိုစွတ်နေချိန်တွင် ဒဏ်ရာများကို ပန်းရောင်မှိုမျှင်စများဖြင့် ဖုံးလွှမ်းထားသည်။

- ရောဂါရင့်လာသည်နှင့် ချိုင့်ခွက်ဒဏ်ရာလေးများ ပေါင်းစည်းသွားပြီး ကြီးမားသောဒဏ်ရာကွက်များဖြစ်ကာ အသီးအတွင်းသားကို ထိခိုက်စေသည်။

ကာကွယ်နှိမ်နင်းခြင်း

- မန်ကိုဇာဘ် (Mancozeb) ၀.၂၅% ကို ပက်ဖျန်းပါ။

 

၂။ မာလကာသံချေးမှိုရောဂါ (Guava rust: Puccinia psidii)

 

ရောဂါလက္ခဏာများ

- သံချေးမှိုရောဂါသည် ရွက်ပိုင်းဆိုင်ရာများ၊ အညွန့်ငယ်များ၊ ပန်းခိုင်များနှင့် အသီးများကို တိုက်ခိုက်နိုင်သည်။

- အတွေ့ရများသော လက္ခဏာများတွင် ပုံပျက်သွားခြင်း၊ အရွက်ကြွေကျခြင်း၊ ကြီးထွားမှု တုံ့ဆိုင်းသွားခြင်းနှင့် ဆိုးဝါးပါက သေသွားတတ်သည်။

- အပြည့်အဝ ပြန့်ကားနေသောအရွက်များပေါ်တွင် အနက်ရောင်အနားသား၊ ကြမ်းတမ်းသော စက်ဝိုင်းပုံ အညိုရောင်ဒဏ်ရာများကို အဝါရောင် ရောင်ခြည်စက်ဝန်းနှင့်အတူ တွေ့ရသည်။

ကာကွယ်နှိမ်နင်းခြင်း

- မာလကာ သံချေးမှိုရောဂါကို ကာကွယ်နှိမ်နင်းခြင်းသည် မှိုသတ်ဆေးအသုံးပြုမှုအပေါ် အခြေခံသည်။

- ရောဂါစကျချိန် သို့မဟုတ် ရောဂါကျရန် အခြေအနေပေးသော ပတ်ဝန်းကျင်မျိုးရှိသောနှစ်တွင် သင့်တော်သည့် မှိုသတ်ဆေးကို အချိန်ကိုက်သုံးစွဲပါ။

-  မြေဩဇာကျွေးခြင်း၊ ရေသွင်းခြင်း၊ ကိုင်းဖြတ်ခြင်းနှင့် သန့်ရှင်းရေးပြုလုပ်ခြင်းကဲ့သို့သော သင့်တော်သည့် စိုက်ပျိုးနည်းဖြင့် ကာကွယ်နှိမ်နင်းခြင်းသည် မာလကာပင်ကို ကျန်းမာသန်စွမ်းစေကာ ရောဂါကျရောက်မှု နည်းစေသည်။

 

၃။ ရေညှိရောင် ရွက်စက်ပျောက်ရောဂါ (Algal Leaf Spot: Cephaleuros virescens)

 

ရောဂါ လက္ခဏာများ

- အရွက်မျက်နှာပြင် နှစ်ဖက်လုံးတွင် လိမ္မော်ရောင်၊ သံချေးရောင်အဖြစ်ရှိကာ အချင်းအားဖြင့် ၅- ၈ မီလီမီတာ ရှိသည့် သိပ်သည်းသော ပိုးချည်မျှင်နှင့် မွှေးစုတ်အဖြစ်တွေ့ရသည်။

- အစက်ပျောက်များကို ခြစ်ကြည့်ပါက ပါးလွှာသည့် မီးခိုးရောင်မှ အနက်ရောင်ရှိသော ပေါင်မုန့်အကာသား အရောင်များ အရွက်ပေါ်တွင် ကျန်နေခဲ့မည်။

- အစက်များ အတူတူပေါင်းသွားကြပြီး အရွက်ပေါ်တွင် ပုံသဏ္ဍာန်မမှန်သည့် အကွက်များအဖြစ် ပြောင်းလဲ သွားမည်။ အစက်များရင့်လာသည်နှင့် အရောင်မှိန်သော မီးခိုးအစိမ်းရောင် ဖြစ်သွားသည်။

- အကိုင်းငယ်များနှင့် အကိုင်းကြီးမျာလည်း တိုက်ခိုက်ခံရပြီး သစ်ခေါက်ကို အက်ကွဲစေသည်။

ကာကွယ်နှိမ်နင်းနည်း

- သင့်တော်သည့် မြေဩဇာကျွေးခြင်း၊ ရေသွင်းခြင်း၊ လေဝင်လေထွက်ကောင်းစေရန်နှင့် နေရောင်ခြည် ဝင်ရောက် နိုင်ရန် ကိုင်းချိုင်ခြင်း၊ ပေါင်းမြက်နှိမ်နင်းခြင်းနှင့် အပင်ကျဲကျဲစိုက်ခြင်းတို့ကဲ့သို့သော စိုက်ပျိုးနည်းများဖြင့် အပင်ကြံ့ခိုင်အောင်လုပ်ပြီး ရောဂါကျရောက်မှုကို လျော့ချနိုင်သည်။

- ကော့ပါး အော်ဇီကလိုရိုဒ် (Copper oxychloride) ၀.၂၅% ကို ပက်ဖျန်းပါ။ 

 

 

ဒေါက်တာ ကိုကို (စိုက်ပျိုးရေး)

သစ်သီးအပင်များတွင် ကျရောက်တတ်သော အင်းဆက်ဖျက်ပိုးများနှင့် ရောဂါများအား ကာကွယ်နှိမ်နင်းနည်း

ပိုးကျရောက်မှု လက္ခဏာနှင့် ရောဂါကျရောက်မှု လက္ခဏာ ကွဲပြားချက်

Green Way on Mon, 10/30/2017 - 16:22

ပိုးကျရောက်မှု လက္ခဏာ ၁။ သီးနှံပင်များကို ဖျက်ဆီးသော ပိုးမွှားများကို ထင်ရှားစွာ မြင်တွေ့နိုင်သည်။ ၂။ အပင်၏ အမြစ်၊ ပင်စည်၊ အရွက်၊ အပွင့် အသီးများကို ကိုက်ဖြတ်၊ ခြစ်စား၊ စုပ်စားသည့် ဒဏ်ရာများတွေ့ရသည်။
၃။ သီးနှံပင်များ အပေါ်တွင် ကိုက်ဖြတ်ဝင်ထွက်သည့် အပေါက်များ၊ ကျစ်စာများ၊ မစင်လုံးများ တွေ့ရမည်။
၎။ သီးနှံပင်၏ ပင်စည်ထဲ ဝင်ရောက်တာ တစ်ပင်လုံး ညှိုးခြောက်၊ အရွက် အခက်များ ပဲကျခြင်းကို တွေ့ရမည်။
၅။ ပိုးဖျက်ဆီးမှု ခံရသော စိုက်ခင်းအား ယူရီးယား ဓာတ်မြေသြဇာကျွေးပါက အပင်များ ပြန်လည် ရှင်သန်လာမည်။ ပြန်လည်ကြီးထွား ရှင်သန်လာသည်။
၆။ ပိုးမွှား မြင်တွေ့က၊ ပင်တွင်းစိမ့်ပြန့်အာနိသင်၊ ထိသေ၊ စားသေ ဆေးအာနိသင်ရှိ ဆေးများဖြင့် ကာကွယ်နှိမ်နင်းပါ။
ရောဂါကျရောက်မှု လက္ခဏာ
၁။ သီးနှံပင်များတွင် ပိုးမွှားမမြင်ရ။
၂။ အပင်၏ အမြစ်၊ ပင်စည်၊ အရွက်များပေါ်တွင် နက်ညို၊ မီးခိုးရောင်အကွက်၊ အပြောက်များ တွေ့ရသည်။
၃။ သီးနှံပင်များပေါ်တွင် ကိုက်ဖြတ်ဝင်ကွက်သည့် ကျစ်စာများ၊ မစင်လုံးများ မတွေ့ရပါ။
၎။ ရောဂါရ အကွက်များ ဆက်စပ်သွားပါက အရွက်ဝါ၊ မဲ၍ကြွေခြင်း၊ တစ်ပင်လုံးညှိုးခြင်း၊ အရည်ထွက်ခြင်း တွေ့ရမည်။
၅။ ယူရီးယား ဓာတ်မြေသြဇာ ကျွေးပါက အပင်များ ရောဂါပိုမို ဆိုးဝါးပြီး အပင်များ သေဆုံးနိုင်သည်။
၆။ ရောဂါဖြစ်ပါက ရောဂါကာကွယ်ဆေးများ မှိုနှင့် ဘက်တီးရီးယား၊ ပိုးသတ်ဆေးများ ရွေးချယ် ပက်ဖျန်းပါ။
အင်းဆက်ဖျက်ပိုးတို့၏ ပါးစပ်အစိတ်အပိုင်းပေါ်မူတည်၍ စားသောက်ဖျက်ဆီးပုံ ကွဲပြားခြားနားမှုကို အောက်ပါ အတိုင်းခွဲခြားမှုကို အောက်ပါအတိုင်း ခွဲခြားသတ်မှတ်ထားပါသည်။
၁။ စုပ်စားပိုး - ပျ၊ ဖြုတ်၊ ဂျပိုးစိမ်း၊ နှံစုပ်ပိုး၊ သရစ်၊ ယင်ဖြူ(ပင်တွင်း စိမ့်ပြန့်အာနိသင်၊ ထိသေ၊ စားသေဆေးနိသင်ရှိ ဆေးများဖြင့် ကာကွယ်နှိမ်နှင်းပါ။
၂။ ကိုက်ဖြတ်ဝါးစားပိုး - လိပ်ပြာ၊ ဖလံ တို့၏ ပိုးလောက်ကောင်များ အတောင်မာကျိုင်းတို့၏ပိုးလောက်ကောင်များ၊ ပုရစ်များ နှံကောင်များ (ထိသေစားသေ အာနိသင်ရှိ ပိုးသတ်ဆေးဖြင့် ကာကွယ်နှိမ်နင်းပါ။
၃။ ခြစ်စား၊ လျက်စားပိုး - လှေး၊ မွှား၊ ဖလံ လိပ်ပြာ တို့၏ အကောင်ငယ်လေးများ (ပင်တွင်း စိမ့်ပြန့် အာနိသင်၊ ထိသေဆေးအာနိသင်ရှိ ဆေးများဖြင့် ကာကွယ်နှိမ်နှင်းပါ။
၎။ ထွင်းဖောက်စားသောပိုး - စပါးဆစ်ပိုး၊ ကြက်သွန်မြိတ်ပိုး၊ သီးလုံး ဖောက်ပိုး။ (ပင်တွင်း စိမ့်ပြန့် အာနိသင်၊ ထိသေ၊ စားသေဆေးအာနိသင်ရှိ ဆေးများဖြင့် ကာကွယ်နှိမ်နင်းပါ။)
ယခုအခါ ​ရောဂါနှင့်​ပိုးကို ဖြစ်​တတ်​​သော သ​ဘောသဘာဝနှင့်​အ​လေ့အကျင့်​များကို​ဖော်​ပြပြိး​နောက်​ ​ရောဂါနှင့်​ပိုးမွှားအတူယှဉ်​တွဲဖြစ်​တတ်​ခြင်း၊ ပိုးကျ​နေစဉ်​ချိန်​တွင်း ရာသီဥတု ​ကြောင့်​​သော်​လည်း​ကောင်း ​ရေသွင်း​ရေထုတ်​​ကြောင့်​​သော်​လည်း​ကောင်း အပူချိန်​ရုတ်​တရက်​​ပြောင်းလဲမှု့များ​ကြောင့်​​သော်​လည်း​ကောင်း အပင်​တွင်​ ကိုယ်​ခံအားမ​ကောင်းပါက ​ရောဂါဝင်​ပြီး ပိုးနှင့်​​ရောဂါတပြိုင်​တည်းဖြစ်​​စေ၊ ပိုးကျပြိး​နောက်​ ပိုး​ကြောင့်​လိုက်​လာ​သော​ရောဂါဖြစ်​​စေ အပင်​တွင်​ ဖြစ်​တတ်​​သော အ​ခြေအ​နေများကိုလည်း သတိမူသင့်​ပါသည်​။တောင်သူ အကျိုးပြု မိတ်ဆွေးပိုးများ
တောင်သူ အကျိုးပြု မိတ်ဆွေပိုးများကို တွေ့လျှင် ပိုးသတ်ဆေး မဖျန်းပါနှင့်။ ၎င်းမိတ်ဆွေပိုးများမှာ-
၁။ သားရဲကောင်များ- လိပ်ခုံးကျိုင်း၊ ပုရစ်၊ နှံကောင်၊ ပုစဉ်း၊ နဖာချေးပိုး၊ ပင့်ကူ၊ ပျစားယင်၊ ပုရွက်ဆိတ်ကြီးများ။
၂။ ကပ်ပါးပိုးများ - နကျယ်၊ ကပ်ပါးယင်။
ကိုကား-ဘက်စုံသီးနှံ ဖျက်ပိုး ကာကွယ်နှိမ်နင်းနည်း  သင်တန်းမှတ်စု

Customer Survey

ဥယျာဉ်ခြံသီးနှံပင်များအတွက် pH လိုအပ်ချက်

Green Way on Tue, 02/10/2015 - 10:26

သီးနှံပင်စိုက်ခင်းများတွင် မြေဆီသြဇာများ ပုံမှန်ထည့်သွင်းကျွေးနေသော်လည်းတခါတရံ အပင်များတွင် အာဟာရဓာတ်ချို့တဲ့မှု၊ အာဟာရဓာတ်လွန်ကဲမှုလက္ခဏာများကို ကြုံတွေ့ရတတ်သည်။ ၎င်းပြသနာသည် တခါတရံ စိုက်ပျိုးမြေ၏ မြေချဉ်ခြင်း (Low soilpH)၊ မြေငံခြင်း (High soil pH) တို့နှင့် နှီးနွယ် ပတ်သက်နေတတ်သည်ကို စိုက်ပျိုးသူတောင်သူများသတိမမူ မိတတ်ကြပေ။ စိုက်ပျိုးမြေများ၏ မြေချဉ်ခြင်း၊ မြေငံခြင်းသည်အပင်များ၏ အာဟာရဓာတ်ချို့တဲ့မှု၊ လွန်ကဲမှုများကို ဖြစ်စေနိုင်ရုံသာမကပိုးမွှားရောဂါကျရောက်မှုများကိုပါ ဖြစ်စေနိုင်သည်။ ထို့ကြောင့် စိုက်ပျိုးရေးနှင့် နှီးနွယ်ပတ်သက်နေရသူများအနေဖြင့်

• pH နှင့် ၎င်း၏ အရေးပါမှု
• Soil pH အား တိုင်းတာနိုင်သော နည်းလမ်းများ
• အပင်အမျိုးအစားအလိုက် ပျှမ်းမျှ pH လိုအပ်ချက်
• မြေချဉ်မှု (pH နိမ့်မှု) အား ပြုပြင် ကုစားခြင်းနည်းလမ်းများ
• မြေငံမှု (pH မြင့်မှု) အားပြုပြင် ကုစားခြင်းနည်းလမ်းများကို သိထားသင့်လှပေသည်။

(က) pH နှင့် ၎င်း၏ အရေးပါမှု
Soil pH သည် မြေ၏ အက်ဆစ်ဂုဏ်သတ္တိ (Acidity) နှင့် အယ်ကာလိုင်းဂုဏ်သတ္တိ (Alkalinity) တို့ကို တိုင်းတာ ညွန်ပြမှုတစ်ခုဖြစ်သည်။ အက်ဆစ်ဂုဏ်သတ္တိရှိသောမြေများသည် ချဉ် (Sourness) ပြီး အယ်ကာလိုင်းဂုဏ်သတ္တိရှိသော မြေများသည်ငံ (Sweetness) သည်။ pH ညွှန်ပြကိန်းသည် ၀ မှ ၁၄ ရှိပြီး pH-၇ အမှတ်သည် အက်ဆစ်ဓာတ်နှင့် အယ်ကာလီဓာတ်များမရှိသော ဓာတ်ပြယ်အမှတ် (Neutral) အဖြစ် သတ်မှတ်သည်။ pH တန်ဖိုး (၇)အောက်ရှိသောမြေများကို မြေချဉ်များ (Acid soil) အဖြစ် သတ်မှတ်ပြီး (၇) အထက်ရှိသောမြေများကို မြေငံများ (Alkaline soil) အဖြစ် သတ်မှတ်သည်။ pH တန်ဖိုးသည် Logarithmic Scale ကို အခြေခံ ထားသောကြောင့် pH တန်ဖိုး ၁ ယူနစ် ပြောင်းလဲခြင်းသည် မြေ (၁၀) ဆ ချဉ်ခြင်း၊ ငံခြင်းကို ဆိုလိုရင်းဖြစ်ဟု မှတ်ယူရမည်။ ဥပမာ၊ pH-၅ သည် pH-၆ ထက် (၁၀) ဆ ပို၍ အက်ဆစ်ဓာတ်ဆန်ပြီး pH-၇ ထက် အဆ (၁၀၀) ပို၍ အက်ဆစ်ဓာတ်ဆန်ခြင်း ဖြစ်သည်။
စိုက်ပျိုးပင်များအတွက်လိုအပ်သော အာဟာရဓာတ်များကို အပင်၏ အမြစ်များမှ လွယ်ကူစွာစုပ်ယူစားသုံးနိုင်သော pH မှာ မြေများတွင် ၆.၅နှင့် မြေဆွေးများတွင် ၅.၈ တို့ဖြစ်သည်။ မြေချဉ်များတွင် ပေါက်ရောက် ရှင်သန်ဖြစ်ထွန်းနိုင်သောအပင်များ(Acid-loving plants) ကို ဘာသာရပ်ဆိုင်ရာဝေါဟာရ အနေအဖြင့် Calcifuge Species များဟုခေါ်ပြီးမြေငံများတွင် ပေါက်ရောက်ရှင်သန်ဖြစ်ထွန်းနိုင်သော အပင်များ (Lime/Alkaline-lovingplants) ကို Calciole Species များဟု ခေါ်သည်။
နှစ်ကာလအတိုင်းအတာအတွင်း စိုက်ပျိုးမြေ၏ pH သည် သဘာဝအလျောက် ပို၍ အက်ဆစ်ဓာတ်ဆန်/ချဉ်လာတတ်သည်။ ဖြစ်စေနိုင်သော အကြောင်းရင်းများစွာရှိသော်လည်း ဥပမာအားဖြင့် မိုးများသောဒေသများတွင် မိုးရေကြောင့် မြေကြီးထဲမှ ထုံးဓာတ် (Calcium carbonate) များသည် မိုးရေနှင့်အတူ စိမ့်ဝင်ပျောက်ကွယ်ဆုံးရှုံးသွားနိုင်ပြီး မိုးရေထဲမှ အက်ဆစ်ဓာတ်သည် မြေထဲတွင် ဟိုက်ထရိုဂျင်ဓာတ်ကို စုစည်းဖြစ်ထွန်းလာစေသည်။ ထို့အပြင် ထင်ရူးပင်ကဲ့သို့ Coniferous species အပင်များ၏ အရွက်များသည်အော်ဂင်းနစ်အက်စစ်ဓာတ်ကို စွန့်ထုတ်သောကြောင့် ၎င်းအုပ်စုဝင်အပင်များ စိုက်ပျိုးသောမြေကြီးသည်လည်း အက်ဆစ်ဓာတ်ဆန်ပြီး ချဉ်လာစေနိုင်သည်။ နောက်ဥပမာတစ်ခုမှာ မြေထဲရှိ အဏုဇီဝပိုးမွှားများ(Micro-organisms) ကြောင့် လည်း မြေကို ချဉ်လာစေနိုင်သည်။
မြေချဉ်ငံဓာတ် (pH) သည် အပင်များအတွက် အာဟာရဓာတ်စုပ်ယူစားသုံးမှုကိုများစွာ လွှမ်းမိုးထားသည်။ ဥပမာ၊ အက်ဆစ်ဆန်သော မြေချဉ်များတွင် ဖော့စ်ပရပ် (P)၊ ကယ်လစီယမ်(Ca)၊ မဂ္ဂနီစီယမ် (Mg) နှင့် မော်လဒီနမ် (Mb) ချို့တဲ့မှုတို့ကို ဖြစ်စေပြီး မင်းဂနီ(Mn) နှင့် အလူမီနီယမ် (Al) ဓာတ်လွန်ကဲမှုတို့ကို ဖြစ်စေနိုင်သည်။ မြေငံများတွင်  အိုင်းရွန်း (Fe)၊ မင်းဂနီ (Mn)၊ ဘိုရွန် (B)၊ကော့ပါး (Cu) နှင့် ဇင့် (Zn) ဓာတ်ချို့တဲ့မှုတို့ကို ဖြစ်ပေါ်စေနိုင်ပါသည်။
လုံလောက်သောရေအရင်းမြစ်၊ အာဟာရဓာတ်နှင့် နေရောင်ခြည်တို့ကိုရရှိနေသော အပင်များသည် ပိုမိုကျန်းမာသန်စွမ်းသည့်အပြင် ပိုးမွှားရောဂါကျရောက်မှုကို သဘာဝအလျှောက်ပို၍ခံနိုင်ရည်ရှိကြသည်။ ထိုနည်းတူစွာ အာဟာရဓာတ်ချို့တဲ့သော အပင်များသည်အားနည်းပြီး ပိုးမွှားရောဂါကျရောက်မှုကို ခံနိုင်ရည်မရှိပေ။ ထို့ကြောင့် pH ကို (၇) အနားတွင် ထိန်းထားသင့်သည်ဟု ဆိုသည်။ အာလူး အကြေးဖတ်ရောဂါ (Common Scab) သည် မြေငံများတွင် ဖြစ်တတ်သောကြောင့် Soil pH ကို လျော့ချပေးခြင်းဖြင့် ရောဂါဖြစ်ပွားမှုကို သက်သာစေနိုင်သည်ဟု တွေ့ရသည်။ ဂေါ်ဖီတင်းပုတ်မြစ်ရောဂါ (Clubroot) ကိုမှု Soil pH ကို တိုးလာအောင် ဆောင်ရွက်ပေးခြင်းဖြင့် ထိန်းချုပ်နိုင်သည်ဟု ဆိုသည်။
(ခ) Soil pH အား တိုင်းတားနိုင်သော နည်းလမ်းများ
မြေချဉ်ငံဓာတ် (Soil pH) အား တိုင်းတာနိုင်သော နည်းလမ်းများစွာရှိပါသည်။ ယခုအခါ မြန်မာပြည်တွင်လည်း မြေချဉ်ငံဓာတ်အား တိုင်းတားတာသိရှိရန် မြေချဉ်ငံဓာတ်တိုင်း ကိရိယာများ(Portable Soil pH tester/meter) ဝယ်ယူရရှိနိုင်နေပြီဖြစ်ပါသည်။ မိမိအသုံးပြုသော ကိရိယာနှင့်နည်းလမ်းပေါ်မူတည် လိုက်နာဆောင်ရွက်ဖို့သာ လိုပါသည်။ စိုက်ခင်းထဲတွင် တိုက်ရိုက်တိုင်းတာနိုင်သောနည်းလမ်းများနှင့် ကိရိယာများ ရှိသလို မြေနမူနာယူပြီးမှ တိုင်းတာနိုင်သော နည်းလမ်းများနှင့်ကိရိယာများ ရှိပါသည်။ မိမိစိုက်ပျိုးမြေ၏ မြေချဉ်ငံဓာတ်အား တိုင်းတာရန်ယေဘုယျလိုက်နာသင့်သော လမ်းညွှန်ချက်များမှာ

• မိုးသည်းထန်စွာရွာပြီးနောက်နှင့်စိုက်ခင်းအား ရေသွင်း၊ ရေလောင်းပြီးနောက်တွင် pH အား မတိုင်တာသင့်ပေ/တိုင်းတာရန် မြေနမူနာလည်းမယူသင့်ပေ။
• အကယ်၍ စိုက်ခင်းအားမြေသြဇာများကျွေးထားလျှင်လည်း ၎င်းနောက် ၁ လခန့်ကြာမှ pH တိုင်းတာခြင်း/တိုင်းတာရန် မြေနမူနာယူခြင်းတို့ကို ဆောင်ရွက်သင့်ပေသည်။
• ရလဒ်အား ပိုမိုတိကျခိုင်မာစေရန်တိုင်းတာခြင်း/မြေနမူနာယူခြင်းကို စိုက်ခင်းမြေအား ကိုယ်စားပြုနေရာရွေးချယ်ခြင်း/မြေနမှုနာယူခြင်းနှင့် ထပ်ကြိမ်ပြုဆောင်ရွက်ခြင်းတို့ကို ပြုလုပ်သင့်ပါသည်။

ပိုမိုတိကျခိုင်မာစေရန် မြေနမှုနာမယူမီ ကျွမ်းကျင်ပညာရှင်များ၏ အကြံအဉာဏ်ယူခြင်းနှင့် မြေနမူနာများကို ယုံကြည်စိတ်ချရသောဓာတ်ခွဲခန်းများသို့ပေးပို့၍ စမ်းသပ်သင့်ပါသည်။
(ဂ) အပင်အမျိုးအစားအလိုက် ပျှမ်းမျှ pH လိုအပ်ချက်
အပင်တစ်ပင်ချင်းစီ၏ pH လိုအပ်ချက်သည်အပင်အမျိုးအစားကို လိုက်၍ မတူညီကြပေ။ တချို့အပင်များက မြေချဉ်များတွင်သာဖြစ်ထွန်းနိုင်ပြီး တချို့အပင်များက မြေငံများတွင်သာ ဖြစ်ထွန်းနိုင်သည်။ တချို့အပင်များကမူ မြေချဉ်မြေငံနှစ်မျိုးစလုံးတွင် ရှင်သန်ဖြစ်ထွန်းနိုင်သည်။ အိမ်အလှဆင်နှင့် မြေယာအလှဆင်ပင်တစ်မျိုးဖြစ်သည့် ခြောက်လပန်း (Hydrangeas) သည် အပင်များထဲတွင် pH လိုအပ်ချက်ကိုထူးထူးခြားခြား တုံ့ပြန်သောအပင်ဖြစ်သည်။ ၎င်းအပင်၏ ပန်းပွင့်သည် Soil pH ၄-၅ ကြားတွင်ရှိသော မြေတွင်စိုက်ပျိုးထားပါက အပြာရောင်ပွင့်ပြီး Soil pH ၆.၅-၇ တွင် ပန်းရောင်ပွင့်၍ Soil pH ၆.၅-၈ တွင် အဖြူရောင်ပွင့်သည်။ ထို့အပြင် အပင်တစ်ပင်ချင်းစီအလိုက် pH လိုအပ်ချက်သည် မြေအမျိုးအစားနှင့် ရာသီဥတုအခြေအနေပေါ်မူတည်၍လည်း ကွဲလွဲချက်များ ရှိသောကြောင့် အတိအကျ ဖော်ပြရန်ခက်ခဲပါသည်။ မြန်မာနိုင်ငံ၌ အတွေ့အရများသည့် ဥယျာဉ်ခြံသီးနှံပင်များအတွက် ပျှမ်းမျှ pH လိုအပ်များကို အုပ်စု (၃) ခုခွဲ၍ ဖော်ပြလိုက်ပါသည်။
အုပ်စု (၁)။ ပန်းမန်နှင့် အလှဆင်အပင်များ
pH (၄.၅ - ၅.၅)
သစ်ခွ (အများစု)၊တတိုင်းမွှေး (Camelia)၊ Cactus ပင်အများစု
pH (၅.၅ - ၆.၀)
ပိန်းပန်း (Anthurium/Flamingo flower)၊ ရွက်လှ(Croton)၊ ဇီဇဝါ (Gardenia)၊ ပတ္တမြားဂမုန်းအုပ်စုဝင် အပင်များ (Bromeliads)        
pH (၅.၅ - ၆.၇၅)
ဆင်နားရွက် (Begonia)၊ ဂန္ဓမာ (Chrysanthemum)၊ ချစ်တီးပန်း(Marigold)၊ နဂါးစက် (Sanseveria)၊ ခရစ္စမတ်ပန်း (Pointsettia)၊ ကြက်မောက်ပန်း (Cosmos)          
pH (၆.၀ - ၆.၇၅)
နှင်းဆီ၊ စိန့်ပေါလီရာ (African violet)၊ ပန်းစက္ကူ (Bougainvillea)၊ ကော်ဇောရွက်လှ(Coleus)၊ ဇော်မွှားလေး (Carnation)၊ ဇော်မွှားကြီး (Dianthus)၊ နှင်းပန်း(Daffodil)၊ ဒေလီယာ (Dahlia)၊ ပန်းချဉ်ပေါင် (Hollyhock)၊ သစ္စာပန်း (Gladiolus)၊ ကျားပါးစပ်ပန်း(Snapdragon)၊ နှင်းပန်း (Tulip)၊ နေကြာ (Sunflower)၊ ဇီနီယာ (Zinnia)၊ အိုင်းရစ်(Iris)၊ ဒန်းပန်း (Impatiens)၊ လီလီပန်း (Lillies)၊ နှဲကလေးပန်း (Petunia)၊ မေမြို့ပန်း(Aster)၊ အသဲကွဲပန်း (Bleeding heart)၊ ဒေစီ (Daisy)၊ နွယ်သာကီ (Oleander)၊ အလှစိုက်ဟင်းနုနွယ်အုပ်စုဝင်အပင်များ(Amaranthus)၊ ရေမွှေးပန်း (Lavender)
pH (၆.၇၅ - ၇.၅)
ရှဉ့်မတက် (Asparagus fern)၊ ဗိုလ်ကတော်မျက်ခုံး (Forget-me-not)၊ ကျောက်ချဉ်ပန်း(Geranium)၊ ဗေဒါ (Hyacinth)၊ ဗုဒ္ဓံသရဏံ အုပ်စုဝင်အပင်များ (Canna)၊ ခေါင်ရမ်း(Hibiscus)
အုပ်စု (၂)။ ဟင်းသီးဟင်းရွက်နှင့် ဟင်းခတ်အမွှေးအကြိုင်အပင်များ
pH (၅.၀ - ၆.၅)
ကစွန်းဥ (Sweet potato)၊ ပင်စိမ်း (Basil)၊ သကြားမုန်လာ (Sugarbeet)၊ အာလူး(Potato)၊ ဆီမုန်ညှင်း (Rapeseed)၊ စမုံစပါး (Fennel)
pH (၆.၀ - ၇.၅)
ဘိုစားပဲ (French bean)၊ ဂေါ်ဖီထုပ် (Cabbage)၊ ပန်းမုန်လာ (Cauliflower)၊ ပန်းမုန်လာစိမ်း(Broccoli)၊ ခါဖု (Kohl rabi)၊ မုန်ညင်း (Mustard)၊ ကိုက်လန် ( Chinese Kale)၊ ဆလပ်(Lettuce)၊ မုန်လာဥ (Radish)၊ ခါကျက်ဥ (Carrot)၊ ပြောင်းဖူး (Corn)၊ ကြက်သွန်နီ(Onions)၊ ကြက်သွန်ဖြူ (Garlic)၊ မြိတ်စား ကြက်သွန် (Leeks)၊ ငရုတ် (Peppers/Capsicum)၊ခရမ်း (Eggplant)၊ ခရမ်းချဉ် (Tomato)၊ တရုတ်နံနံ (Celery)၊ ကညွှတ် (Asparagus)၊ မှို(Mushroom)၊ သခွား (Cucumber)၊  ဖရုံ(Pumpkin)၊ ကျောက်ဖရုံ (Marrow)၊ ဖရဲ (Watermelon)၊ သခွားမွှေး (Muskmelon)၊ ပူစီနံ(Mint)၊ လေညှင်း (Peppermint)
အုပ်စု (၃)။ သစ်သီးဝလံအပင်များ
pH (၅.၀ - ၆.၅)
ပန်းသီး (Apple)၊ သရက် (Mango)၊ သစ်တော့ (Pear)၊ နာနတ် (Pineapple)၊ သလဲ(Pomegranate)၊ စတော်ဘယ်ရီ (Strawberry)၊ စပျစ် (Grape)၊ ငှက်ပျော (Banana)၊  ပိန္နဲ (Jackfruit)၊ ဒူးရင်း (Durian)၊ လိုင်ချီး (Lychee)၊ ကြက်မောက်(Rambutan) မင်းကွတ် (Mangosteen)၊ မာလကာ (Guava)
pH (၆.၀ - ၇.၅)
ထောပတ် (Avocado)၊ သင်္ဘော (Papaya)၊ မက်မွန် (Peach)၊ ဆီး (Plum)၊ ရှောက်သံပုရာလိမ္မော်မျိုးရင်းဝင်အပင်များ(Citrus)၊ အုန်း (Coconut)၊ နဂါးမောက် (Dragon Fruit)
(ဃ) မြေချဉ်မှု(pH နိမ့်မှု) အား ပြုပြင် ကုစားခြင်းနည်းလမ်းများ
အက်ဆစ်ဆန်သော မြေချဉ်များအား (pH နိမ့်နေမှုအား) ထုံးထည့်၍ ပြုပြင် ကုစားနိုင်ပါသည်။ အသုံးပြုမှုများသော ထုံးအမျိုးအစားမှာ Calcitic Lime နှင့် Dolomitic Lime တို့ဖြစ်သည်။ Calcitic Lime အမျိုးအစားသည် ကယ်လစီယမ်ကာဗွန်နိုတ်(Calcium Carbonate: CaCO3) ပါဝင်ပြီး Dolomitic Lime တွင် ကယ်လစီယမ်ကာဗွန်နိုတ်နှင့် မဂ္ဂနီစီယမ်ကာဗွန်နိုတ် (Calcium Carbonate and Magnesium Carbonate: MgCa (CO3)2) တို့ ပါဝင်သည်။ မြေချဉ်မှုအား ကုစားရန် ၎င်းတို့အား ထည့်သွင်းရမည့် ပမာဏသည် မြေအမျိုးအစားအထူးသဖြင့် ဓာတ်ဖိုဖလှယ်နိုင်မှုစွမ်းအား (Cation Exchange Capacity) ပေါ်မူတည်၍ မတူညီပေ။ ဥပမာ၊ ရွံ့စေးဆန်သောမြေသည် ဓာတ်ဖိုဖလှယ်နိုင်မှုစွမ်းအားမြင့်မားသောကြောင့် pH မြင့်တက်လာစေရန်အတွက် ထုံးပမာဏပိုထည့်သွင်းပေးရန် လိုအပ်သည်။ မြေချဉ်များအား ပြုပြင်ရန် မြေအမျိုးအစားလိုက် ထည့်သွင်းရမည့် ထုံးပမာဏကို ဇယား-၁ တွင်ဖော်ပြထားသည့်အတိုင်း မြေအတွင်းသို့ မြေယာပြုပြင်ချိန်အတွင်း ထည့်သွင်းအသုံးပြုနိုင်ပါသည်။
(င) မြေငံမှု (pH မြင့်မှု) အား ပြုပြင် ကုစားခြင်းနည်းလမ်းများ
စိုက်ပျိုးမြေများ၏ မြေငံနေမှု (pH မြင့်နေမှု)အား ပြုပြင် ကုစားခြင်းသည် မြေချဉ်များအား ပြုပြင်ကုစားခြင်းထက် ပို၍ ခက်ခဲပါသည်။ များသောအားဖြင့် မြေငံများအား ကန့် (Sulfur)၊ Iron Sulphate၊Aluminum sulfate နှင့် ကျောက်မှုန့် (Gypsum: Calcium sulphate) တို့အား စိုက်ပျိုးမြေအတွင်းသို့ထည့်သွင်း၍ ပြုပြင်လေ့ရှိကြပါသည်။
Sulfur သည် မြေကြီး၏ အငံဓာတ်အားလျော့ကျသွားစေရန် ဓာတ်ပြုမှုကာလသည် ၁ နှစ်/ကျော်ပတ်ဝန်းကျင်ခန့်ကြာတတ်သည်။ အပင်များအားထိခိုက်သေစေနိုင်သဖြင့် ၎င်းအား အသုံးပြုမည်ဆိုပါက သီးနှံပင်များမစိုက်ပျိုးမီ လအတန်ကြာကတည်းက မြေကြီးအတွင်းသို့ ၆ လက်မခန့် အနက်ထိ ထည့်သွင်းပေးထားရမည်။ ၎င်းအား ထည့်သွင်းပြီး ၄ လခန့်နေမှ မြေကြီး၏ pH အား စမ်းကြည့်ပြီး လိုအပ်ပါက ထပ်မံထည့်သွင်းပေးနိုင်သည်။ ထည့်သွင်းရမည့် ပမာဏအားဇယား-၂ တွင်ဖော်ပြထားပါသည်။ ရွံ့စေးဆန်သောမြေများနှင့် ကနဦးမြေချဉ်ငံဓာတ် (pH) ၇.၃ အထက်ရှိသောမြေများတွင်သာ Sulfur အား နှုန်းထားမြင့်၍ အသုံးပြုရန် လိုအပ်ပါသည်။
မြေကြီး၏ မြေငံဓာတ်အား လျှော့ချရန် Iron Sulphate အား အသုံးပြုခြင်းသည် မြေကြီးတွင် ဓာတ်ပြုမှုနှုန်းပို၍ မြန်ပြီး ၁ လခန့်အတွင်း မြေငံဓာတ်လျော့ကျသွားတတ်သည်။ သို့သော်လည်း တစ်ကြိမ်တွင်ပေ ၁၀၀ ပတ်လည် မြေနေရာစာအတွက် Iron Sulphate ၉ ပေါင်အထက် ပို၍ မထည့်သွင်းသင့်ပေ။ ရွံ့စေးဆန်သောမြေများနှင့် ကနဦးမြေချဉ်ငံဓာတ် (pH) ၇.၃ အထက်ရှိသောမြေများတွင်သာ Iron Sulphate  အား နှုန်းထားမြင့်၍ အသုံးပြုရန် လိုအပ်ပါသည်။ အကယ်၍ နှုန်းထားမြင့်မြင့်အသုံးပြုရန်လိုအပ်ပါက အကြိမ်ကြိမ်ခွဲ၍ ထည့်သွင်းအသုံးပြုသင့်ပါသည်။ ထည့်သွင်းရန်လိုအပ်သော နှုန်းထားများအား ဇယား-၃ တွင် ဖေါ်ပြထားပါသည်။
Aluminum Sulphate သည် မြေငံများအား ပြုပြင်ရန် အသုံးပြုနိုင်သော်လည်း၎င်းသည် အပင်၏ အမြစ်များကို AluminumToxicity ဖြစ်စေကြောင့် ၎င်းအား အသုံးပြုရန် ပညာများမှ မထောက်ခံကြပေ။
ကျောက်မှုန့် (Gypsum) အား မြေငံများအား ပြုပြင်ကုစားရန် တချို့အကြံပြုကြသော်လည်း ၎င်းထည့်သွင်းမှုကြောင့် မြေကြီး၏ အငံဓာတ်အား သိသိသာသာ မပြောင်းလဲစေသော သုတေသနရလဒ်များကြောင့် တချို့ပညာရှင်များကသဘောမတူကြကြောင်း စာပေများတွင် တွေ့ရှိ ရပါသည်။     ။
ဟန်ဖြိုးအောင်(ဥယျာဉ်ခြံ)
17-10-2014 (16: 20 PM)
ကျမ်းကိုး
၁။ Applied Principles of Horticultural Science, 3rd Edition(Laurie Brown)
၂။ Horticulture: Plant pH Preferences (J.W. Jett, WVU Extension Service)
၃။ Soil pH and plant health in the home garden (Harald Hoffmann)
၎။ Soil pH: CMG GardenNotes#222 (Colorado State University Extension)
၅။ pH for the Garden (Leonard Perry, University of Vermont Extension)

မြေကြီး အစိုဓာတ် ဆုံးရှုံးမှုကို လျော့ချနိုင်မည့် နည်းလမ်း သုံးသွယ်

ဓာတ်ပုံ-trrockyard.net

• မြေဆီလွှာ

၁။သစ်ဆွေးဓာတ် ထည့်ပြီးရေထိန်းထားနိုင်စွမ်းကို မြှင့်တင်ပါ။
သစ်ဆွေးဓာတ်ဆိုတာ ဈေးကြီးပေးပြီး ဝယ်ယူရတဲ့  ဓာတုမြေသြဇာတွေဖြစ်တဲ့ ပုလဲတွေ၊ တီစူပါတွေထဲမှာ မပါဘူး။ ဒါပေမယ့် သစ်ရွက်ဆွေး၊ အမှိုက်ဆွေး၊ မြေဆွေး၊ ဘိုကာရှီစတဲ့ သဘာဝမြေသြဇာတွေ ထဲမှာတော့ များစွာပါဝင် ပါတယ်။ သစ်ဆွေးဓာတ်က မြေကြီးထဲမှာ အပင်အတွက် အာဟာရနဲ့ရေတွေကို ထိန်းသိမ်းထားပေးတဲ့ သိုလှောင်ရုံ တစ်ခုလို လုပ်ဆောင်ပေးပါတယ်။ သစ်ဆွေးဓာတ် ဆိုတာက သစ်ရွက်တွေ အပင် အပိုင်းအစတွေက အဏုဇီဝ ပိုးလေးတွေကြောင့်ဆွေးမြေ့ပြီး ဖြစ်ပေါ်လာတဲ့ အစိတ်အပိုင်းလေးတွေပါ။
သစ်ဆွေးဓာတ်က မြေကြီးထဲမှာ ရေမြုပ်လို လုပ်ဆောင်ပြီး ရေကို သူ့အလေးချိန်ရဲ့ ၉၀ရာခိုင်နှုန်း (ဆယ်ပုံမှာကိုးပုံ) ခန့် ထိန်းသိမ်းထားနိုင်စွမ်း ရှိပါတယ်။ ထိန်းသိမ်းထားတဲ့ ရေတွေကိုလည်း အပင်က စုပ်ယူတဲ့အခါ ထုတ်ပေးပါတယ်။ ရွံ့စေးဆန်တဲ့ မြေကြီးတွေမှာလည်း ရေထိန်းနိုင်စွမ်း မြင့်ပါတယ်။ ဒါပေမဲ့ သူတို့ ထိန်းထားတဲ့ ရေအများစုက အပင်တွေ စုပ်ယူနိုင်စွမ်း မရှိပါဘူး။
၂။မြေဖုံးပြီး ရေငွေ့ပြန်မှုကို ထိန်းထားပါ။
မြေဖုံးတဲ့နေရာမှာ သက်ရှိနဲ့ သက်မဲ့ဆိုပြီး အမျိုးအစား (၂) မျိုး အကြမ်းမျဉ်း ခွဲခြားနိုင်ပါတယ်။
သက်မဲ့ ဆိုတာက ပလပ်စတစ်လိုမျိုးနဲ့ မြေကြီးက ဖုံးတာပါ။ ဖရဲ၊သခွားစိုက်တဲ့သူတွေ သုံးကြပါတယ်။ ရေကို အတန်သင့်ထိန်းနိုင်ပြီး ပေါင်းပေါက်ရောက်မှုကိုလည်း ထိရောက်စွာ ကာကွယ်ပေးနိုင်ပါတယ်။
သက်ရှိဆိုတာကတော့ အပင်ရဲ့အရွက်တွေ၊ ရိုးပြတ်တွေ၊ ဒါမှမဟုတ် စက္ကူတွေဖြစ်ပါတယ်။ သူတို့ ကိုယ်တိုင် အသက် မရှိနိုင်တော့ပေမယ့် အပင်တွေကို အကျိုးပြုနေတဲ့ အဏုဇီဝရဲ့ လုပ်ငန်းစဉ်တွေကို ကူညီပေးပါတယ်။ မြေကြီးထဲမှာ ရှိနေတဲ့ ဇီဝ ကမ္မဖြစ်စဉ်တွေရဲ့ အဓိက အခန်းကဏ္ဍမှာ ပါဝင်ပါတယ်။
ဒီလိုမျိုး အပင်တွေရဲ့ အရွက်တွေ ၊ရိုးပြတ်တွေ စတာတွေနဲ့ မြေဖုံးပေးမယ်ဆိုရင်တော့ ပေါင်းတွေကို သက်သာစေတဲ့အပြင် ရေငွေ့ပြန်မှုကိုပါ လျော့ကျစေပါတယ်။ ပိုကောင်းတာကတော့ ဆွေးမြေ့လာတဲ့အခါ အပင်အတွက် အာဟာရ ရရုံသာမက မြေကြီး တည်ဆောက်ပုံပါ ကောင်းမွန်စေပါတယ်။ ဒါတွေအပြင် လောင်းလိုက်တဲ့ ရေတွေကိုလည်း စုပ်ယူ ထားပေးတော့ ရေလောင်းရတဲ့အကြိမ်ကို လျော့ချနိုင်ပါတယ်။ အချို့ နှစ်ရှည် အပင်တွေကြားမှာနဲ့ တောင်စောင်းတွေမှာ မြေပဲအရိုင်း (မြေကြီးမှာပဲ ကပ်ပေါက်ပြီး ဥမဥပါ) ကို စိုက်ထားတာ ထိုင်းနိုင်ငံမှာ တွေ့ဖူးပါတယ်။ ပဲမျိုးရင်းဖြစ်တော့ မြေဖုံးပေးတဲ့အပြင် မြေကြီးထဲကို နိုက်ထရိုဂျင် (အပင်ကြီးထွားမှုကို အားပေး - ပုလဲဓာတ်မြေသြဇာမှာ ပါတဲ့ဓာတ်တစ်မျိုး) ကိုလည်း ပြန်ထည့်ပေးပါတယ်။

ဓာတ်ပုံ- Ko Ko (ဖရဲ၊ သခွား၊ သခွားမွှေး စိုက်ပျိုးထုတ်လုပ်သူများအဖွဲ့ )
၃။ ပေါင်းပင်များကို ဖယ်ရှားပေးပါ
မြေကြီး အစိုဓာတ်ကို ထိန်းနိုင်ဖို့ နောက်တစ်နည်းကတော့ ပေါင်းတွေကို ဖယ်ရှားပါ။ အထူးသဖြင့် အမြစ်နက်နက် ဆင်းတဲ့ နှစ်ရှည်ခံပေါင်းတွေ ဖြစ်ပါတယ်။ ဒီလိုကိုယ်မလိုချင်တဲ့ ပေါင်းတွေက ရေတွေ စုပ်ယူလေလေ မြေကြီးထဲက အစိုဓာတ်တွေ မြန်မြန် ကုန်လေလေ ဖြစ်တာကြောင့် ပေါင်းတွေကို ဖယ်ရှားဖို့ကလည်း အရေးကြီးပြန်ပါတယ်။

ကိုးကား - FAO, GrowVeg
ရာသီဥတု ပြောင်းလဲမှုကို အန်တုနိုင်မယ့် စိုက်ပျိုးနည်းစနစ်တွေ ပိုမို နားလည်လာဖို့ ဆရာကြီးဦးသိန်းဆု ရေးသားတဲ့ ဆောင်းပါး၂ပုဒ်ကိုဖတ်ဖို့ အကြံပြုလိုပါတယ်။
http://greenwaymyanmar.org/article/642
http://greenwaymyanmar.org/article/641

ဆပ်ပြာကို စိုက်ပျိုးရေးမှာ သုံးသင့်၊ မသုံးသင့်

ဆပ်ပြာတွေ အများစုက ဆိုဒီယမ်(Na)ကို အခြေခံပြီး လုပ်ထားတယ်။ ဒီတော့ ဆိုဒီယမ်ပါတဲ့ ဆပ်ပြာကို စိုက်ပျိုးရေးမှာ သုံးသင့် မသုံးသင့် ဆိုတာကိုဖြေပေးချင်ပါတယ်။
ဆိုဒီယမ်က အပင်တွေ အတွက်လိုအပ်တဲ့ အာဟာရဓာတ်ထဲမှာ မပါဘူး။ ဒါပေမယ့် ဒြပ်စင်ဇယား(periodic table)မှာ ကြည့်လိုက်ရင် ပိုတက်စီယမ်(K)နဲ့ ဆိုဒီယမ် (Na) ကပ်နိုင်စွမ်းအားက အနည်းဆုံးပဲ။ ဒါကြောင့် မိုးရွာရင် ကျန်တဲ့ ဓာတ်တွေကိုမြေကြီးက ထိန်းထားနိုင်ပေမယ့် ဆိုဒီယမ်က မိုးရေနဲ့ ပါသွားပြီး ပင်လယ်ထဲရောက်သွားတယ်။ ဒါ့ကြောင့် ပုံမှန် မြေဆီလွှာတွေမှာ ဆိုဒီယမ်များခြင်း ဆပ်ပြာပေါက်ခြင်းတို့ကို မတွေ့ရပါဘူး။
မြန်မာနိုင်ငံ အလယ်ပိုင်းမှာလည်း ဆပ်ပြာပေါက်မြေတွေ အများကြီး ရှိတယ်။ အဲဒီနေရာတွေ ကြည့်လိုက်ရင် မိုးနည်းတယ်။ မြေ မျက်နှာသွင်ပြင်က ဒယ်အိုးလို အလယ်မှာ ချိုင့်နေတယ်။ နေပူက ပြင်းတယ် ဆိုတော့ မိုးရွာတဲ့အခါ မိုးရေနဲ့အတူ ဆားတွေပျော်ဝင် ပါလာပြီး အဲဒီမြေနိမ့်ပိုင်းမှာ သွားစုနေတယ်။ နေက ပူတော့ရေငွေ့ပြန်ပြီးမြေအောက်က ဆားတွေက အပေါ်တက်လာပြီး မျက်နှာပြင်ပေါ် လာစုတဲ့အတွက် မြေကြီးက ဆားပေါက်တော့တာပဲ။ ပါလာတဲ့ဆားက ဆိုဒီယမ် ကာဘွန်နိတ် အဓိက ဖြစ်နေရင် မြေဆီလွှာက ဆပ်ပြာပေါက်တော့တာဘဲ။
ဒါဆိုရင် ဆိုဒီယမ်ကိုမြေကြီးမှာ များများ ထည့်လိုက်ရင် ဘာဖြစ်မလဲ။ ဆိုဒီယမ်က ပိုတက်ဆီယမ် ထက်စာရင် ဆပ်ပြာဓာတ်က အရမ်းမြင့်တယ်။ ဒါကြောင့် ဆိုဒီယမ်များ တဲ့မြေကြီးမှာမြေစေးမှုန်တွေက အချင်းချင်း ပူးကပ်ပြီး မြေစိုင်တုံး အခဲလေးတွေဖွဲ့စည်းလို့မရတော့ဘဲ အမှုန်လေးတွေအတိုင်း စီးရေနဲ့ ပါသွားပြီး မြေဆီလွှာရဲ့ နဂို လေပေါက်ရေပေါက်တွေမှာ ပိတ်ဆို့ကုန်ပြီး မြေဆီလွှာတွေက ချပ်ခဲကြီးဖြစ်သွားပြီး အပင် အမြစ်တွေလေရှူဖို့ လေဝင်ပေါက် မရှိတော့ဘူး။ မြေဆီလွှာရဲ့ အတုံးအခဲ တည်ဆောက်ပုံတွေ ပျက်ကုန်ပြီး ပုံမှန် အပင်ကြီးထွားဖွံ့ဖြိုးလို့မရတော့ဘူး။
ဒါပေမဲ့ ကောင်းတာက ဆပ်ပြာမှာ ရေရဲ့ပုံမှန် မျက်နှာပြင်တင်းအားကို ဖျက်နိုင်စွမ်းရှိတယ်။ သဘာဝရေမှာ ရှိတဲ့ မျက်နှာပြင် တင်းအားဆိုတာ အရွက်ပြောင်ပြောင်ချောချောပေါ် ကိုရေဖျန်းလိုက်ရင်ရေကပြန့်မသွားဘဲ အလုံးလိုက်လေးဖြစ်နေတတ်တဲ့ ဂုဏ်သတ္တိကို ဆိုလိုတယ်။ (ဥပမာ ပိန်းရွက်လိုမျိုးမှာ ထင်ရှားစွာတွေ့နိုင်ပါတယ်။) အဲဒါလိုဖြစ်ရခြင်းက ရေရဲ့ မျက်နှာပြင်တင်းအား ဂုဏ်သတ္တိကြောင့် ဖြစ်ပါတယ်။ ဆေးဖျန်းလိုက်ရင် အဲဒီမျက်နှာပြင် တင်းအားကို ဖျက်နိုင်မှ ဖျန်းလိုက်တဲ့ဆေးရည်က အရွက်ပေါ်မှာ အလုံးလေးတွေမဖြစ်စေဘဲ အရွက်မျက်နှာပြင် တစ်ခုလုံးကို ပြန့်ပြီး ကပ်နေမှာလေ။ ဒါ့ကြောင့် ရေကို အဓိက ထားပြီး မိမိဘာသာ ဖော်စပ်သော သဘာဝ ပိုးသတ်ဆေးတွေမှာ ဆပ်ပြာ အနည်းငယ်ရောပြီး အသုံးချရခြင်း ဖြစ်ပါတယ်။
နောက်တစ်ခုက ဆီနဲ့ရေကရောလို့လုံးဝ မရဘူး။ ကိုယ့်ဘာသာ ကိုယ်ဖော်စပ်တဲ့ ဆေးရေမှာ ဆီသဘောဆောင်တဲ့ အရည်နဲ့ရေနဲ့ ရောသွားစေချင် ရင်ရောနှောနိုင်စွမ်း အာနိသင်ရှိတဲ့ ပစ္စည်းလိုတယ်။ အဲဒီအာနိသင်က ဆပ်ပြာမှာ ရှိတယ်။ ဒါကြောင့်ဆေးပြန့်အားကောင်းအောင်တို့၊ မရောနိုင်တဲ့ အရာနှစ်ခု(ဥပမာရေနဲ့ရေနံဆီ) ကိုရောအောင် လုပ်ဖို့ဆိုရင် ဆပ်ပြာကို အနည်းငယ် ထည့်ဖော်စပ်ရခြင်း  ဖြစ်ပါတယ်။ ရွှေဝါလိုမျိုးဈေး သက်သာတဲ့ ဆပ်ပြာလည်း ရတယ်။
နောက်တစ်ခုက ဆိုဒီယမ်မှာ ပိုးသတ်နိုင်တဲ့ အာနိသင် မရှိဘူး။ ပိုးသတ်နိုင်လောက်တဲ့ ပမာဏထိ မြှင့်ဖြန်းမယ် ဆိုရင်လည်း အပင်က ဆားလောင်သွားမှာပဲ။
ဒါကြောင့် ဆပ်ပြာကိုမြေသြဇာ(ရွက်ဖျန်း၊ မြေကြီးထဲ တိုက်ရိုက်ထည့်)လို သဘောထားပြီး ပမာဏ များများ အဖြစ်နဲ့သုံးမယ်ဆိုရင်တော့ လုံးဝ မသင့်တော်ဘူး။ ရေရှည်မှာမြေကြီး ပိုမို ဆိုးရွာလာဖို့ပဲ ရှိတယ်။ ဒါပေမယ့် ကိုယ်တိုင်ဖျော်စပ်တဲ့ သဘာဝ အားဆေးတွေ၊ ပိုးသတ်ဆေးတွေမှာ ကပ်အားကောင်းအောင်၊ ပြန့်အားကောင်းအောင် နည်းနည်းရော ထည့်ပေးမယ်ဆိုရင်တော့ သုံးလို့ ရတယ်။ ရွှေဝါကစပြီး အသုံးပြုလို့ ရတယ်။ တောင်သူတွေအနေနဲ့ မိမိ ကိုယ်တိုင်ချင့်ချိန်ပြီး ဆုံးဖြတ်နိုင်အောင်ဖြေကြားပေးလိုက်တာပါ။
ယခု ဆောင်းပါးတွင် ဖော်ပြထားသည့် အချက်အလက်များမှာ မြေဆီလွှာပညာရှင် ဒေါက်တာထက်ကြူနှင့် မေးမြန်းဆွေးနွေးချက်များကို အခြေခံပြီး ရေးသားထားပါသည်။
ကိုယ်ရေးအကျဉ်း
ဦးထက်ကြူသည် ၁၉၅၆ ခုနှစ်တွင် မွေးဖွားခဲ့ပြီး ၁၉၇၉ ခုနှစ်တွင် ရေဆင်းစိုက်ပျိုးရေးတက္ကသိုလ်မှ စိုက်ပျိုးရေး ဘွဲ့ရရှိခဲ့ပြီး ယခင် လယ်ယာ စိုက်ပျိုးရေးကော်ပိုရေးရှင်း နောင် မြန်မာ့ စိုက်ပျိုးရေး လုပ်ငန်း ယခု စိုက်ပျိုးရေး ဦးစီးဌာနတွင်(၂၃) နှစ် တာဝန် ထမ်းဆောင်ခဲ့ပါသည်။ ၁၉၈၉ ခုနှစ်တွင် ဘယ်လ်ဂျီယမ်နိုင်ငံမှ မြေဆီလွှာ မဟာသိပ္ပံဘွဲ့ကို ရရှိခဲ့ပြီး ၂၀၀၀ ခုနှစ်တွင် ဖိလစ်ပိုင် နိုင်ငံ တက္ကသိုလ်မှ စိုက်ပျိုးရေး ပါရဂူဘွဲ့ကို ရရှိခဲ့သည်။ ၂၀၀၄ ခုနှစ်မှစ၍ GRET, UNDP, ADB စသည့် ဌာန အဖွဲ့အစည်းများတွင် ရခိုင်ပြည်နယ်၊ ဧရာဝတီတိုင်း၊ စစ်ကိုင်းတိုင်း နှင့် လာအိုနိုင်ငံများတွင် စိုက်ပျိုးရေး ပညာရှင်၊ ကျေးလက်ဖွံ့ဖြိုး တိုးတက်ရေး ပညာရှင်အဖြစ် တာဝန် ထမ်းဆောင်ခဲ့ပါသည်။ ယခုအချိန်တွင် GRET ၏ အရှေ့တောင် အာရှဒေသ ဂေဟ စိုက်ပျိုးရေး စနစ် ပူးပေါင်းလေ့လာရေး စီမံကိန်းတွင် မြန်မာနိုင်ငံ အတွက် ညှိနှိုင်းရေးမှူး အဖြစ်ဆောင်ရွက်နေပြီး မြန်မာနိုင်ငံ သစ်သီးဝလံ ပန်းမာလာနှင့် ဟင်းသီး ဟင်းရွက် စိုက်ပျိုးထုတ်လုပ် တင်ပို့ရောင်းချသူများ အသင်းတွင် စိုက်ပျိုးရေးအကြံပေး တစ်ဦးလည်းဖြစ်ပါသည်။
အစိမ်းရောင်လမ်း

မြေချဉ်လား ငံလား အလွယ်တိုင်းတာနည်း

မိမိခြံထဲ စိုက်ကွင်းမြေကို ချဉ်လား ငံလား တိုင်းတာပြီး မြေပြင်ကြမယ် စသဖြင့် အများစု လုပ်ကိုင်လာကြပါတယ်။ အချို့က လစ်တမတ် စက္ကူ နဲ့တိုင်းသလို ရေဆင်း စိုက်ပျိုးရေး သုတေသနဌာနက ထုတ်တဲ့ မြေဆီ ဓာတ်ခွဲသေတ္တာငယ် (soil test box) နဲ့ တိုင်းကြပါတယ်။ အချို့ကတော့ မြေချဉ်ငံတိုင်း ကိရိယာ (pH meter)နဲ့ တိုင်းတာပါတယ်။ အခက်အခဲရှိပြီး မြေအချဉ်အငံ တိုင်းလိုသူတွေ အတွက် အဆင်ပြေပါလိမ့်မယ်။ ဒီအကြောင်းမှာ ကျွန်တော် မြင်တာက မြေချဉ်တာ ငံတာကို အချို့လူတွေက pH meter ထောက်ပြီး ဓာတုတွေ အသုံးများလို့ မြေပျက်ပြီဆိုတာမျိုးကို ချက်ချင်း လက်မခံပါနဲ့။ မြေမှာ နေရာ (၁၀) နေရာလောက်ထောက်ပြီး မြေပျက်တယ်လို့ ချက်ချင်းကောက်ချက်ဆွဲလို့ မသင့်ပါ။ အနည်းဆုံး တဧကလောက်ရှိတဲ့မြေတွေမှာ အနည်းဆုံး မြေနမူနာ နေရာ (၂၀) အထက် များများ ယူလေ ကောင်းလေ ဖြစ်ပါတယ်။ မြေနမူနာ မယူသင့်တဲ့ နေရာတွေလည်း ရှိပါသေးတယ်။
(၁)မြေဆွေးပုံ ထားတဲ့နေရာ ဒါမှမဟုတ် အပင်ခြေမြေဆွေးမြေသြဇာ ပုံထားတဲ့နေရာ (၂) ကျောက်ကြမ်း များတဲ့နေရာ (၃) ခြံစည်းရိုး တာဘောင်နေရာ (၄) ရေဝပ်လွန်းသောနေရာနဲ့ ချောင်း၊ အိုင်နဲ့ ပေ ၃၀ ခန့်မှန်းအတွင်း (၅) ရေဖျော်တိုင်းသော ကိရိယာကို သုံးရမယ်ဆိုလျှင် ဥပမာ- လစ်တမတ်စက္ကူ ၊ pH meter တို့မှာ ရေကို ပီအိပ်ခ်ျ ၇ (pH 7) ရှိတဲ့ ရေသန့်သာ သုံးသင့်ပါတယ်။ ရေသန့်ခက်သောနေရာမှာ ရေရဲ့ ချဉ်ငံကို အရင် စစ်ယူပြီးမှ အသုံးပြုရန် လိုပါတယ်။
ဒါတွေကို ရှောင်ကျဉ်ပြီး တိုင်းမှ အနီးစပ်ဆုံး အဖြေကို ရပါလိမ့်မယ်။ ကိရိယာလေးနဲ့ မြေတစုပ်လောက်တိုင်းပြီး ချဉ်ပါတယ်၊ ငံပါတယ်ပြောရင် လုံးဝမယုံပါနဲ့။ တကယ်တိုင်းချင်ရင် စိုက်ခင်းအတိုင်းမြေနမူနာ ယူမယ် တောက်လျှောက်တိုင်းမယ်ဆိုရင် ဇစ်ဇက်ပုံ(zig zag) ပုံစံ လျှောက်ပြီး တိုင်းခြင်း မြေနမူနာ ယူမှုတွေ ပြုလုပ်သင့်ပါတယ်။ မြေနမူနာယူခြင်းကို ပြီးမှ သီးသန့်ပြောပါ့မယ်။ ဒီလိုတိုင်းမှ ၇၀ ရာခိုင်နှုန်း သာ မှန်တဲ့အဖြေလို့ သုံးသပ်ရပါလိမ့်မယ်။  မိမိခြံထဲမှာ မြေတွင်း အာဟာရ လိုအပ်တာသိဖို့ မြေချဉ်တာလား ငံနေတာလား အရင်သိရပါလိမ့်မယ်။ ပီအိပ်ခ်ျ ၇ (pH 7) အထက်ဆို ငံတယ်၊ အောက်ဆို ချဉ်တယ်ဆိုတာ အားလုံးသိထားပြီးသားပါ။ မြေငံတွေမှာဆို သစ်ဆွေးဓာတ်ပမာဏ နည်းပါးနေတတ်လို့ သစ်ဆွေးတွေ ဖြစ်စေမည့်အရာတွေ များများ လိုအပ်ပြီး မြေချဉ်နေပြီဆိုရင်တော့ ထုံးထည့်ပြီးပြင်မယ်ပေါ့ဗျာ။
ဒီတော့ဗျာ မိမိခြံထဲက မြေကို ချဉ်လား ငံနေတာလားကို မီးဖိုချောင် ပစ္စည်းနဲ့ အလွယ်တကူ ခန့်မှန်းနိုင်တယ်ဆိုရင် ယုံမလား??
ချဉ်နေလား၊ ငံနေလား သိဖို့ ရှာလကာရည် နဲ့ မုန့်ဖုတ်ဆိုဒါ အနည်းငယ်ဆီ လိုအပ်ပြီး ဖန်ခွက် ၂လုံးရှိရပါလိမ့်မယ်။ ရေသန့် တဘူး အပါအဝင်ပေါ့ဗျာ။ မြေကြီး တခွက်စာကို ဖန်ခွက်ထဲထည့် ရှာလကာရည် ခွက်တ၀က်ကိုထည့် ရောပြီး  ဇွန်းနဲ့မွှေရန် လိုအပ်ပါတယ်။ အမြုပ် တစီစီထွက်လာရင် ပီအိပ်ခ်ျ ၇-၈(pH 7-8) ကြားရှိတယ်လို့ အဖြေရပါတယ်။ အမြုပ်မထွက်ဘူးဆိုလျှင် မိမိယူလာတဲ့မြေတခွက်ကို တခြားဖန်ခွက်ထဲမှာ မြေကြီးတခွက်၊ ဆိုဒါ ခွက်တဝက် ရေသန့်ထည့်ပြီး မွှေလိုက်ပါ။ အမြုပ် တစီစီထွက်လာရင် ပီအိပ်ခ်ျ ၅-၆  (pH 5-6) လို့ ယူဆတဲ့ အဖြေထွက်ပြီပေါ့ဗျာ။ စမ်းသပ်မှု ၂ခုလုံးမှာ ချဉ်ငံကိန်း ၇ (pH 7) ရတဲ့ မြေအုပ်စုကတော့ အလွန်ရှားပါလိမ့်မယ်။ မြေတခု စမ်းတိုင်းမှာ ဖန်ခွက် ၂လုံး၊ တလုံးက ရှာလကာရည် တလုံးက မုန့်ဖုတ်ဆော်ဒါ ရေဖျော်ပြီး တပြိုင်တည်း ယှဉ်စမ်းခြင်းက သိသာထင်ရှားစေပါတယ်။ ချိန်ခွက်ဆိုတာက နို့ဆီခွက် စသဖြင့် ပမာဏတခု တိုင်းတာရန် အတွက်ဖြစ်ပါတယ်။
မြေနမူနာယူနည်း
မြေ နမူနာယူမယ်ဆိုရင် ပေါက်ပြားနဲ့ ဂေါ်ပြား အိတ်တလုံး လိုပါလိမ့်မယ်။ ပေါက်ပြားနဲ့ မြေနမူနာယူမယ့်နေရာ ရှင်းပြီး ဗွီ(V) ပုံ မြေကိုပေါက်ထုတ်ပြီး မြေအလယ်သားကို ဖယ်ရပါလိမ့်မယ်။ ပြီးရင် ဂေါ်ပြားနဲ့ V ပုံ ကျင်းနောက်ကနေ ကိတ်မုန့်လှီးသလို လှီးချရပါမယ်။ အဲဒီမျက်နှာ၂ခုကမြေကို သမစွာမွှေပြီး အိတ်ထဲ ထည့်ရပါလိမ့်မယ်။ ထိုနည်းအတွင်း နေရာပေါင်းစုံမှ မြေကို ထိုအိတ်ထဲမှ စုထည့်ပြီး မိုးကာပေါ် တလက်ပေါ်မှာ သမအောင် ကြိမ်ဖန်များစွာ မွှေပြီး မြေချဉ်ငံကိန်းကို တိုင်းနိုင်ပါတယ်။
Khant Zaw Htet (ACOM)